BAADA YA KUTAMBA KWENYE CHALLENGE HAJI MWINYI AOMBA KUONDOKA YANGA.

Beki wa kushoto wa klabu ya Yanga Mwinyi Haji ameandika barua kwa uongozi wa klabu hiyo akiomba kuondoka kwenda sehemu nyingine ambako anaamini atapata nafasi ya kucheza kwenye kikosi cha kwanza.

Mwinyi alionesha uwezo mkubwa kwenye michuano ya kombe la Chalenji iliyofanyika Kenya wakati akiitumikia timu ya taifa ya Zanzibar ‘Zanzibar Heroes’ na kuisaidia kikosi hicho kumaliza nafasi ya pili baada ya kupoteza mchezo wa fainali dhidi ya Kenya.

“Ni kweli nimeandika barua kuomba kuondoka Yanga kwa sababu sipati nafasi ya kucheza”

“Mimi ninaamini nina uwezo mkubwa lakini nashangaa nimeendelea kukaa nje kwa muda mrefu. Kama unakumbuka nimecheza mechi nyingi msimu uliopita kuanzia VPL, FA, na hata michuano ya CAF iweje leo kiwango kimeshuka hadi kukosa kabisa nafasi?”

“Namshukuru sana kocha wangu wa timu ya taifa ya Zanzibar Hemed Morocco kwa kuniamini na kuniita kwenye kikosi chake kisha kunipa nafasi, hii inaonesha ni namna gani alivyokuwa na imani na uwezo wangu.