MWAMUNYANGE AAGIZA MSAKO MKALI KWA WALIOCHINJA WATU 8 AMBONI.

MKUU wa Majeshi nchini, Davis Mamunyange (pichani kushoto), ameliagiza jeshi la polisi na vikosi vya Usalama Tanga kuhakikisha majambazi waliofanya mauaji ya kutisha kijiji cha Kibatini kata ya Mzizima Amboni Tanga wanakamatwa haraka.

Makamanda wa Jeshi la Wananchi (JWTZ)

ngazi mbalimbali wakishiriki mazishi ya

watu 8 waliochinjwa na watu wanaoaminika

kuwa ni majambazi kitongoji cha Kibatini kata ya Mzizima

Amboni Tanga na mazishi yake kufanyika jana.

Ameyasema hayo jana wakati wa mazishi ya watu 8 waliouwawa kwa kuchinjwa usiku wa Jumatatu na kusema kuwa msako wa kuwatafuta watu hao ufanyike mara moja.Amewahakikishia wananchi wa Amboni na Tanga kwa ujumla kuwa Jeshi la Wananchi na vyombo vyengine vya Usalama likiwemo Polisi kuwa tukio kama hilo haliwezi tena kujirudia.

Umati wa watu wa Kibatini, Amboni na Tanga

wakishiriki katika mazishi ya watu 8

waliuwawa kwa kuchinjwa na watu

wanaoaminika kuwa ni majambazi

usiku wa Jumatatu.

Kwa wake Inspector Jenerali wa Polisi nchini , Enerest Magu, amewataka polisi kuzidisha ulinzi wa watu na mali zao usiku na mchana ili kuondosha hofu kwa wananchi juu ya usalama wao.

 Amesema kufuatia tukio hilo wananchi wameingiwa na hofu na kazi za kujiletea maendeleo kudorora ikiwemo kilimo na mifugo hivyo kuwataka kuongeza doria maradufu.

Usiku wa kuamkia juzi watu wanaodhaniwa kuwa ni majambazi waliwauwa watu 8 kwa kuwakusanya kwa pamoja na kuwachinja mmoja mmoja mbele ya uwanja wa nyumba ya Mwenyekiti wa Serikali ya Kitongoji tukio ambalo limewashangaza watu wengi.