MKUU WA MKOA WA TANGA ATAKA MAMILIONI YA MSD WILAYANI LUSHOTO YAREJESHWE.

Na. SAID KILEO ..Lushoto.TANGA

Mkuu wa mkoa wa Tanga,Martin Shigella (pichani kushoto)ameuagiza uongozi wa halmashauri ya Wilaya ya Lushoto kuhakikisha kiasi cha fedha shs. 128 mil zilizowasilishwa MSD kwa ununuzi wa madawa zinalejeshwa katika mikono salama ili kuweka utaratibu.

Shigella ametoa agizo hilo juzi kwenye kikao cha baraza la madiwani kilicholenga kuwasilishwa hoja za mdhibiti na mkaguzi wa hesabu za serikali kilichofanyika wilayani Lushoto.

Agizo hilo la mkuu wa mkoa limekuja baada ya hoja za madiwani walioshauri fedha ambazo ziliwasilishwa MSD ili kupata dawa ambazo mpaka sasa hazijapatikana kuielekeza bohari ya madawa kupata huduma eneo jingine.

Katika kikao hicho, Diwani wa Kwemshasha,Anuary Abdassi amesema ni vyema fedha zilizopelekwa MSD ambazo mpaka sasa hazijapata mrejesho wa kuletwa kwa dawa na hazijapatikana ni vyema wahusika wakafanya mpango kupata dawa sehemu nyingine ili wananchi wasiweze kuathirika.