HII NI AIBU.....MTAA WA CHUMBAGENI TANGA HAKUNA DAMPO, MITARO IMEZIBA.

uchafu ukiwa umetupwa hovyo kwenye eneo lisilo rasmi ambalo wakazi wa mitaa ya chumbageni na kwaminchi wanalitumia kama dampo ambalo sio rasmi.

Wakazi wa Mtaa wa Chumbageni Jijini Tanga wameitaka Mamlaka ya Maji safi na Maji Taka Mjini Tanga (TANGA-UWASA) kutatua kero ya kuziba kwa mfereji wa maji taka unaotiririsha maji machafu kwenye makazi ya watu.

Mchuuzi wa Samaki

Soko la Deep Sea

Wakizungumza na mwandishi wetu hapo jana Wakazi hao wamesema mfereji huo umeziba kwa zaidi ya wiki moja sasa na tayari wamewasiliana na Mamlaka hiyo ili kutafuta ufumbuzi wake lakini mpaka sasa bado haijafanyiwa kazi na maji machafu hayo yanaendelea kutiririka kuelekea kwenye soko la Samaki la Deep Sea jambo linaloweza kusababisha magonjwa ya milipuko kwa wakaazi wa maeneo hayo.

Mmoja wa wakaazi hao Sistr Makrina Petro amesema harufu kali inayotokana na maji hayo imekuwa kero na amezitaka mamlaka husika iwajibike haraka kuondoa kero hiyo.

Akizungumza na kituo hiki M/Kiti wa Serikali ya Mtaa huo Bi Asha Ziggiy amesema kukosekana kwa dampo la kutupa taka kwenye mtaa huo kunapelekea baadhi ya wakazi wake kutupa taka kwenye mifereji na kupelekea kuziba na kushindwa kupitisha maji taka.