SABABU YA SURUALI YA JEANS KUWA NA MFUKO MDOGO WA MBELE.

Watu wengi sana wamekuwa wakivaa nguo aina ya Jeans lakiwa ni wachache sana au ambao wamewahi kujiuliza ni ipi kazi ya kile kimfuko kidogo ndani ya mfuko wa mbele wa suruali za jeans.

Tumekuwa tukivaa nguo bila kujiuliza kwanini kimewekwa pale, je kiliwekwa pale kwa bahati mbaya? au kimewekwa tu kama urembo na hakina kazi yoyote? Jibu ni hapana kuna sababu ya msingi ya kimfuko kile kuwepo mahali pale.

Mfuko ule mdogo ndani ya mfuko kubwa wa mbele kwenye suruali ya jeans uliwekwa makusudi kwa ajili ya kuhifadhia ‘saa’ kwa wale waendesha farasi (Cowboys). Dhumuni la waendesha farasi kuwekewa mfuko ule ni ili kuibana saa isitoke wakati wanakimbiza farasi kwani mtikisiko huwa ni mkubwa sana.

Sasa hivi watu wamebadilisha matumizi ya mfuko ule kwa vile wengi wa wavaaji wa nguo hizo hawaendeshi tena farasi. Watu hutumia kuwekea fedha (sarafu), betri ndogo, iPod, simu na vitu vingine vidogo vidogo.