MBUNGE "MAJI MAREFU" AWATAKA WANANCHI KUVUNJA MAKUNDI YA KISIASA NA KUFANYA KAZI.

Mbunge wa jiombo la Korogwe Vijijini , Profesa Majimarefu (KUSHOTO) akimpa hongera mzazi , Sharifa Juma baada ya kujifungua salama wakati wa ziara yake hospitali ya Wilaya ya Magunga ya Korogwe kujua kero za wagonjwa na wafanyakazi wa hospitali hiyo.

MBUNGE wa jimbo la Korogwe Vijijini, Stivn Ngonyani (CCM) amewataka wananchi wa jimbo hilo kushirikiana na kuacha makundi na kuijenga Korogwe katika nyanja mbalimbali za kilimo na Uchumi.
Akizungumza katika mkutano wa hadhara jana uwanja wa sokoni mji mdogo wa Mombo, Majimarefu aliwataka wananchi kuvunja makundi ya ushabiki wa ksiasa na badala yake kuijenga Korogwe kimaendeleo.

Alisema wananchi wa Korogwe ambao wengi ni wakulima wa kilimo cha mbogamboga na matunda pamoja na kilimo cha mkonge, wako na nafasi nzuri ya kuboresha maisha yao kwa kujiongozea kipato kupitia kilimo cha mbogamboga na zao la mkonge.

“Ndugu zangu wananchi wa mji mdogo wa mombo nimekuja hapa kuwashukuruni kwa kunichagua kwa mara ya pili kuwa mbunge wenu, niseme kuwa uchaguzi umeisha na sasa niwajibu wetu wa kushirikiana kufanya kazi” alisema Majimarefu na kuongeza
“Wakati wa kampeni mengi yamesemwa juu yangu na mwisho wa siku sanduku la kura lilijibu, ila niseme hata ambao hawakunichagua wote ni wananchi wangu na niko tayari kufanya kazi nao lengo ni kuleta maendeleo” alisema

Mbunge huyo ambaye mara nyingi hujiita Mganga wa kienyeji, aliombwa na Diwani wa kata ya Mombo, Halima Juma (CCM) kumtaka kipindi hiki akiwa mbunge kuhakikisha mji huo unapata hadhi ya kuwa halmashauri ya mji.
Diwani huyo alimtaka pia Majimarefu baada ya kufanikisha upelekaji umeme vijijini na uchimbaji wa kisima kuzichonga barabara zitokazo kwa wakulima ili kuwapa unafuu nyakati za mvua.
Alisema vipindi vya mvua wakulima wa mazao wamekuwa na wakati mgumu na kuingia gharama kubwa hivyo kuuza kwa hasara hivyo kuchongwa kwa barabara hizo itakuwa msaada kwa wakulima na wafanyabiashara.

“Mheshimiwa mbunge tunatambua michango yako kwa hali na mali na umekuwa ukiwatetea wananchi wako, kwa hayo na mengine lakini pia tunakuomba utupiganie mji wetu wa Mombo kuwa halmashauri ya mji” alisema Halima
Alimtaka mbunge huyo kusimamia miradi ya maendeleo ya wananchi na ya wafadhili pamoja na kuziba mianya ya ubadhrifu ili kuhakikisha pesa itolewayo inatumika kama ilivyopangwa.
CHANZO:TANGA KUMEKUCHA BLOG..