ANASWA AKIJARIBU KUWAHONGA POLISI MIL 5 TANGA...

POLISI mkoani Tanga inawashikilia watu wawili kwa tuhuma za kutoa rushwa kwa askari wa upelelezi.Wanaoshikiliwa ni mkazi wa mjini Korogwe, Richard Ruther ‘Mhina’ (40) ambaye ni mmiliki wa bastola namba GBT 552 inayodaiwa kufanya unyang’anyi na kisha kusababisha mauaji ya askari na raia mmoja.

Mwingine ni Hamidu Rajabu ‘Wad’ (44) mkazi wa Kabuku wilayani Handeni ambao kwa pamoja wanadaiwa kutoa rushwa ya Sh milioni tao kuzuia askari kuendelea na upelelezi kuhusu tukio la ujambazi lililotokea Februari 14 mwaka huu Barabara ya sita jijini Tanga na kusababisha kukamatwa kwa bastola hiyo inayomilikiwa na Mhina.

Kamanda wa Polisi mkoa, Mihayo Msikhela alisema jana kwamba, watu hao walikamatwa jijini Tanga Februari 26 mwaka huu saa 10.50 jioni wakiwa ndani ya ofisi ya Mkuu wa Upelelezi baada ya kuwekewa mtego na askari. (PICHA NI MAFANO)