WATUMISHI WA MUNGU WATAKIWA KUFANYA MAANDALIZI YA KUTOSHA KABLA YA KUHUBIRI NENO LA MUNGU.

WATUMISHI wa Mungu nchini wametakiwa kuhubiri na neno la Mungu wakiwa madhabahuni pamoja kutenga muda wa kuandaa ujumbe wa neno kabla ya kuhubiri mbele ya waumini

Hali hiyo itawaepusha kuhubiri maneno ya siasa, ndoto zao na yaliyotokana na mawazo yao.Hayo ameyasema Askofu wa Kanisa la (FPCT) Free Pentekoste Church Of Tanzania jijini Tanga Askofu Stevie Mulenga ambaye pia anachunga kanisa la FPCT Novelty, wakati akihubiri katika ibada ya jumapili iiliyofanyika katika kanisa hilo lililopo Novelty barabara ya nne mjini hapa.

  Amesema watumishi walio wengi siku hizi hawapati muda mzuri wa kuandaa neno au ujumbe na badala yake wanahubiri yaliyopo katika mawazo yao jambo ambalo ni hatari kwa maisha ya kiroho hususani kwa wale anao walisha.

Akinukuu neon kutoka kitabu cha 1Samweli 1:2,3, Yeremia 23:21-28, Amosi 8:11 na kitabu cha Yohana 1:1-3 Amesema watumishi wanatakiwa kuepuka kusimama madhabahuni kwa mazoea na badala yake wasimame wakihubiri kile ambacho Mungu amewaagiza ili kuokoa mioyo za watu ambao Mungu amewapa lakini pia kuishi maisha yenye ushuhuda mbele za Mungu na mbele za wanadamu.