WANANCHI ZAIDI YA 500 WA KIGOMBE WASHIRIKI ZOEZI LA USAFI PAMOJA NA WAWEKEZAJI NA KUKUSANYA ZAIDI YA TANI MOJA YA TAKA.

Zaidi ya Wanakijiji 500 wa Kijiji cha Kigombe kilichopo kata ya Kigombe Wilayani Muheza mkoani Tanga wakiongozwa na viongozi wao wameshiriki kwenye zoezi la msaragambo wa kusafisha maeneo mabilimbali ya kijiji hicho hasa kwenye fukwe za bahari ya hindi ambapo takataka hutupwa kwa wingi na baadhi ya wakazi wa kijiji hicho.

Mdau wa Usafi kijijini hapo Bw Athumani Mtoro

(watatu kutoka kushoto) akiwa na wadau wengine

wa usafi namaendeleo kijijini hapo.

Zoezi hili limefanikisha kukusanywa kwa zaidi ya tani moja ya taka huku zaidi ya kg 900 zikikusanywa upande wa fukwe za habari pekee.

Fukwe za Kigombe

Akizungumza na waandishi wa habari mdau wa Usafi kijijini hapo Bw Athumani Mtoro amesema wanawashukuru wawekezaji wa Hoteli ya Peponi Beach Resort ambao ndio walio andaa na kuratibu zoezi hilo kwani limeamsha ari ya wananchi kufanya usafi kwenye maeneo yao na kuacha tabia ya kutupa taka hovyo.

Zoezi hilo lililofanyika March 26 mwaka huu pia limeshirikisha wanafunzi kutoka shule ya Sekondari Kigombe likiwa na kauli mbiu isemayo Usafi ni Afya.