WAFANYABIASHARA WA GULIO LA TANGAMANO WALALAMA KADHIA YA UCHAFU NA UKOSEFU WA SKIP ZA KUTUPA TAKA.

Na Ramadhan Juma.Tanga

Wafanyabiashara wa gulio la Tangamano wameilalamikia serikali juu ya suala zima la uchafu uliokithiri katika gulio hilo na kuwahatarisha afya zao .

Akizungumza na Redio Huruma akiwa gulioni hapo katibu wa Gulio Proti Mramba amesema kwamba kutokana na ongezeko la wafanya biashara katika gulio hilo imekuwa ni chanzo kikubwa kwa uchafuzi wa Mazingira ya gulio .

Hivyo ameiomba Halmashauri ya Jiji iliangalie suala  hilo kwa jicho la tatu kwa kuwapatia Skip ya kuwekea  takataka hizo ili kuweka afya ya wananchi salama.

Hata hivyo mmoja   wawafanya biashara hao Cyprian Joseph Mmassy amesema kuwa serikali imekuwa wazito sana kuwapa kipaumbele wafanyabiashara wadogo wadogo hali ya kuwa na wao kuwa wanamchango mkubwa katika maendeleo ya jiji.

Pia ameishauri serikali iwaboreshee miundo mbinu ya Gulio hilo hususan choo na mabanda ya kudumu ya kufanyia biashara zao.

Naye afisa afya wa jiji Kizito Nkwabi amesema kuwa eneo la gulio halina sababu ya kuwapelekea skip kwani viongozi wa gulio kwa kushirikiana wafanyabiashara wanajukumu la kuondoa  takataka hizo.

Kwa uapande wake mkurugenzi wa jiji la Tanga Wilfred Lazaro amesema kuwa hakuna sababu ya kuwajengea mabanda ya kudumu kwani eneo hilo sio rasmi bali ni la muda mfupi kwa wafanyabiashara hao.

Sambamba na hayo amesema kuwa halmashauri imetenga eneo la maalumu la kudumu kwa gulio kwa ajili ya wafanyabiashara wa jiji la Tanga ambalo lipo maeneo ya Muhako jijini hapa.