"NI AJABU NA KWELI" MAKARAVATI YAWEKWA BARABARANI MUHEZA BILA YA KUWA NA VYUMA(NONDO)

Katika hali isiyokuwa ya kawaida baadhi ya makaravati yaliyowekwa kwenye barabara ya Kigombe-Mtiti Wilayani Muheza yamebainika kutengenezwa chini ya kiwango na kuwekwa barabarani bila kuwa na vyuma(Nondo) ambazo huzuwia magari yenye uzito mkuwa yasifanye uharibifu.

Mwandishi wa Mtandao huu Godwin Henry(Pichani) ameshuhudia makaravati mawili katika barabarani hiyo yakiwa yamebomoka kwa kushindwa kuhimili uzito uliopita juu yake. Bara bara hiyo imefanyiwa ukarabati wiki chache zilizopita na kugharimu pesa za walipa kodi wa Tanzania kwa kumlipa mkandarasi huyo.

Wakizungumza na Mtandao huu baadhi ya watumiaji wa Barabara hiyo wameezwa kusikitisha kwao na ukarabati huo ambao umefanyika chini ya kiwango.

Wamesema kubomoka kwa makaravati hayo kunahatarisha usalama wa watumiaji wa barabara hiyo hasa wanaopita usiku na wanaotoa mazao mashambani kwa Malori kwani yanaweza kukwama kwenye makaravati hayo.