SHULE YA MSINGI MTITI WILAYANI MUHEZA YAPATA MSAADA WA VIFA VYA MICHEZO.

Wanafunzi wa Shele ya Msingi Mtiti

Kamati ya udhamini wa Vifaa vya Michezo wilayani Muheza(Muheza Players Committee) imetoa msaada wa vifaa vya michezo kwa shule ya msingi Mtiti iliyoko kata ya Kogombe wilayani Muheza kwa lengo la kuinua ari ya michezo na vipaji vya wanafunzi Shuleni hapo.

 Mratibu wa Kamati hiyo Athumani Mtoro (Kushoto, mwenye shati la Njano) akikabidhi msaada huo kwa Mwalimu wa Michezo Shuleni hapo.

Baadhi ya Timu za Netball za Wanawake zilizo nufaika na Misaada ya Kamati hiyo.

Vifaa hiyo ni Mpira wa Netball,miamba miwili ya kuchezea Basket ball na mfuko mmoja wa saruji.Akikabidhi msaada huo Mratibu wa kamati hiyo Bw.Athumani Mtoro amesema kamati hiyo imejipanga kuziwezesha shule nyingi zaidi kupata vifaa vyote muhimu kwa ajili ya michezo ili kuinua vipaji wilayani humo.

Amesema mpaka sasa tayari shule nyingi za Msingi na Sekondari ambazo zinamilikiwa na Serikali wilayani humo zimenufaika na mpango huo ambao unalenga hasa wanafunzi wa Kike ambao wamesahaulika katika Michezo.

Akipokea msada huo Mwalimu mkuu wa shule hiyo Mw. Sadiq Kalage ameishukuru kamati hiyo na kuahidi kuvitunza vifaa hivyo ili wanafunzi wengi zaidi wanufaike navyo.Amesema kupatikana kwa vifaa hivyo kutasaidia kujenga Afya za wanafunzi hao na kutokomeza tatizo la Utoro wa wanafunzi kwani wengi wao wanapenda sana michezo.

Naye Msimamizi wa Kamati hiyo Bw Salim Salehe wa A & G STATIONARY ya Kigimbe Malaki amesema ni wamepokea changamoto nyingine za kimichezo shuleni hapo kama na Mpira wa Miguu, Filimbi, Jezi, Viatu vya michezo na kuahidi kuzitatua kwa kipindi kisicho zidi Miezi Miwili.