MKUU WA WILAYA YA MICHEWENI AWATAKA VIJANA KUTOJIINGIZA KATIKA MIGOGORO NA WAWEKEZAJI.

Mkuu wa Wilaya ya Micheweni

Bw Jabu Khamis Mbwana

Na Masanja Mabula Pemba.

Mkuu wa Wilaya ya Micheweni  bw  Jabu Khamis Mbwana amewataka vijana wanaopewa dhamana ya ulinzi na wawekezaji katika maeneo ya mahoteli kutojihusisha na masuala ambayo yanaweza kupelekea migogoro kwa wananchi.

Kauli hiyo ameitowa huko Ofisini kwake Micheweni wakati akizungumzia  migogoro ya ardhi inayo endelea kutokea siku hadi siku katika shehia ya Makangale.

Amesema ni vyema wawekezaji wanaofika katika maeneo hayo kufuata mila, desturi pamoja na tamaduni za wananchi wa eneo hilo ili waweze kwenda sambamba na kuepusha migogoro isiyo kuwa ya lazima.

Jabu amesema  ni vyema wawekezaji kuwa na maelewano mazuri na wananchi wa maeneo husika kabla ya kufanya ujenzi katika maeneo hayo ili kuepusha migogoro inayoweza kuepukika

 

Amesema kuwa mwekezaji huyo alipaswa kuweka njia  mbadala  kabla ya kuiziba njia hiyo ya asili inayotumiwa na wananchi kwa  kipindi tangu enzi za Mapinduzi ya january 1964 .