MKUU WA MKOA WA TANGA APIGA MARUFUKU WANAFUNZI KUFUKUZWA SHULENI KWA KUKOSA ADA..!!

Mkuu wa mkoa wa Tanga

Magalula Saidi Magalula

UTORO umetajwa kuwa changamoto kubwa katika sekta ya elimu mkoani Tanga hali inayosababisha wanafunzi wengi kukatisha masomo yao ya msingi na sekondari.

Akiongea katika kikao cha Kamati ya Ushauri Mkoa RCC Mkuu wa mkoa wa Tanga Magalula Saidi Magalula amesema kwa kipindi cha miaka saba hadi 2014 zaidi ya wanafunzi 13,000 wameacha shule kwa sababu mbalimbali ikiwemo utoro na mimba.

Amesema wanafunzi wengi waliofaulu kwenda kidato cha kwanza mwaka 2015 bado hawajaenda shule na kuwaagiza wakurugenzi wa Halmashauri zote mkoani hapa kuhakikisha hakuna mtoto yeyote atakayerudishwa kwa uzembe wa mzazi wake kukosa ada.

Aidha amesema Mkoa bado unakabiliwa na changamoto kubwa za kielimu ikiwemo uhaba wa miundombinu ya madawati, vyumba vya madarasa na matundu ya vyoo.