KIJANA WA MIAKA 25 MKOANI TANGA AUWAWA NA WANANCHI WENYE HASIRA KWA TUHUMA ZA KUIBA PIKIPIKI

MTU mmoja aliyefahamu kwa jina la Bakari Nyoka anayekadiriwa kuwa na umri wa miaka kati ya 25 hadi 30 mkazi wa Magomeni ameuwawa na wananchi wenye hasira kali baada ya kutuhumiwa kuiba pikipiki.

Akithibitisha kutokea kwa tukio hilo Kaimu kamanda wa Jeshi la polisi mkoa wa Tanga Juma Ndaki amesema tukio hilo limetokea manamo tarehe 12 march mwaka huu majira ya saa kumi kamili jioni huko katika maeneo ya kijiji cha kilapura  tarafa ya pongwe wilaya ya Tanga.

Aidha Ndaki amesema Marehemu aliuwawa baada ya kutuhumiwa kuiba pikipiki yenye namba za usajili T.833 BFQ aina ya belter ambayo ni mali ya mkulima Stevene Alexander mwenye umri wa miaka 40 mkazi wa michungwani wilayani Handeni. 

Hata hivyo amesema hakuna mtu au watu waliokamatwa  na upelelezi wa tukio hilo unaendelea dhidi ya wahusika wa mauaji hayo, na mwili  wa marehemu umehifadhiwa katika hospitali ya rufaa ya mkoa  Bombo.