HOSPITALI YA MAGUNGA KOROGWE YAPATA MSAADA WA VIFAA VYA TIBA.

Na.Mwandishi Wetu.KOROGWE

TAASISI ya Global medical aid yenye makazi yake nchini Denmark imewakabidhi  msaada wa vifaa vyenye thamani ya tsh million 630 kwa hospitali ya Magunga iliyopo wilayani Korogwe ili kuboresha upatikanaji wa huduma za matibabu  kwa wananchi.

Makabidhiano ya vifaa vya tiba hivyo yalifanyika hivi karibuni kwenye viwanja vya NIMR vilivyopo eneo la hospitali ya Magunga na na mgeni rasmi alikuwa mkuu wa wilaya Korogwe aliyewakilishwa na Diwani Idd Shebila.

Kabla ya msaada huo kukabidhiwa Mkurugenzi wa NIMR mkoani hapa Cletus Ruta amesema vitu vilivyotolewa ina ubora na ili kudumu kwa muda mrefu iko haja ya kukarabatiwa mara kwa mara.

Vifaa vilivyo kabidhiwa hospilani hapo  ni pamoja na  vitanda ,mashine ya ultra, sound, groves na vitu vingine ambavyo vilipata kuwa pungufu kwenye eneo hilo la utoaji wa huduma za afya.

Akizungumza kwenye hafla hiyo mwakilishi wa Global medical Aid Dkt. Christentze Schmiegelow amesema mahusiano ya kuenziwa kati ya NIMR ,Magunga hospitali na chuo kikuu cha Copenhagen cha Denmark ndiyo yaliyowezesha  upatikanaji wa vifaa hivyo.

Amesema mbali na wao kushghulikia na utafiti wa magonjwa  a ya bianadamu kwa kushirikiana na kituo cha utafiti NIMR waliwiwa kusaidia  vifaa vya tiba  ili kuboresha huduma za wananchi wa Korogwe. 

Naye idd Shebila ambaye ni mwenyekiti wa kamati ya huduma za jamii halamashauri aliwataka  madaktari kutumia taaluma zao kupitia vifaa walivyopewa kuboresha afya za wananchi.

Shebila amesema kwamba kupatikana kwa vifaa hivyo ni ukombozi kwa wananchi wa Korogwe ambapo awali walikuwa wakikabiliwa na changamoto ya upungufu wa  vifaa vya tiba huku muda wote wakitegemea MSD.

Kwa upande wake mganga mkuu wa hopitali ya Magunga wilayani korogwe Dkt Olden Ngasa ametoa shukrani kwa msaada waliyopasiwa  huku akitoa ombi kwa wahisani hao kuangalia uwezekano wa kusaidia eneo jingine hususanii maeneo ya vijijini.