JAMII YAASWA KUTOUZA MASHAMBA ILI KUEPUKA MIGOGORO YA ARDHI.(Story za Masanja kutoka Pemba)

Na. Masanja Mabula Pemba

Mkuu wa mkoa wa kaskazini pemba Mhe Omar Khamis Othman ameagiza  taasisi zinazohusika kufanya tathmini ya vipando vya wananchi katika eneo la vumawimbi makangale ili ujenzi wa mradi wa hoteli ya kitalii uweze kutekelezwa.

Mkuu wa Mkoa wa Kaskazini Pemba

Mhe Omar Khamis Othman

Amesema kuwa tathmini hiyo itawawezesha wananchi kulipwa fidia ya vipando vyao  jambo ambalo linatakiwa kufanyika mapema ili mradi uanze utekelezaji wake.

Kauli hiyo ameitoa wakati akizungumza na wananchi wa kijijini shehia ya makangale pamoja na mwekezaji baada ya kumalizika kwa mgogoro wa eneo ambapo pande hizo zimekubaliana kushirikiana ili kutekeleza dhana ya utalii kwa wote.

Aidha amesema kuwa uwamuzi uliofikiwa na wananahci wa shehia ya makangale na mwekezaji  unapaswa kuigwa na maeneo mengine yenye migogoro ya ardhi.

Kwa upande wake mkuu wa wilaya ya micheweni bw jabu khamis mbwana amesema kuwa makubaliano hayo yamekuja kufuatia wananchi wa shehia hiyo kufahamu faida na umuhimuwa wa sekta ya utalii.

Katika ziara hiyo pia mkuu wa mkoa ametembelea maeneo mengine yenye mgogoro wa ardhi likiwemo shamba la mzee ali said radhaman ambalo linadaiwa kupimwa na kumilikishwa Mhe Samiya Suluh Hassan.

KATIKA HATUA NYINGINE Mkuu wa Wilaya ya Micheweni bw  Jabu Khamis Mbwana ameitaka jamii kuepuka tamaa ya fedha kwa kuyauza mashamba yao watu zaidi ya mmoja ili kuepusha kutokea kwa migogoro ya ardhi katika maneo yao .

Amesema kuwa migogoro mingi ya ardhhi inayojitokeza siku hadi siku inasababishwa na jamii kuwa na tamaa ya fedha hali ambayo inawafanya kukosa uwaminifu na hivyo kujikuta wakisababisha kuwepo na migogoro.

Akizungumza na wananchi wakati wa ziara yake ya kutembelea maeneo yenye migogoro ya ardhi katika shehia ya Makangale Jimbo la Konde , Mkuu huyo wa Wilaya ameshusha presha za wananchi hao baada ya kuahidi kuipatia ufumbuzi migogoro hiyo.

Amekiri kuwa shehia ya Makangale na Tondooni zinakabiliwa na migogoro mingi ya ardhi na kuwataka wananchi wa shehia hizo kumpa ushirkiano ili aweze kutekeleza azma yake ya utatuzi wa migogoro kwa lengo la kulinda amani na utulivu uliopo hapa nchini.

Naye Katibu Tawala wa Wilaya hiyo bw Ahmed Khalid Mohemmed amewataka wawekezaji kuacha kupora ardhi za wananchi , na badala wawashauri  na kuwepo makubaliano ya pande zote zinazohusika.

Migogoro mingi ya ardhi katika shehia hizo unahusu wananchi na wawekezaji , viongozi wa serikali na wananchi pamoja na wananchi wenyewe kwa wenyewe.