WAKAZI WA MAWENI TANGA WAJIPANGA KUREJESHA KADI ZA CCM KUPINGA KITENDO CHA HALMASHAURI YA JIJI KUWAPORA VIWANJA VYAO..!

WANANCHI wa kata ya Maweni Tanga wamepinga tangazo la ofisi ya Mkurugenzi wa jiji la Tanga la kutamka viwanja walivyopima havitambuli kisheria na hivyo kuvirejesha na kupimwa upya.

Wakizungumza katika mkutano wa wananchi, wananchi hao, wamesema viwanja walivyopewa ni halali na kupimwa kisheria kwa mujibu wa mamlaka ya Serikali ya kijiji na hivyo kuitaka ofisi hiyo kutambua vyenginevyo wataacha kulipa kodi za viwanja vyao.

Viwanja  ambavyo vimetajwa kuwa vinahitaji kupimwa upya ni Maweni, Kichangani, Kasera na Kange na wananchi kuja juu kwa madai baadhi yao wameanza kujenga na baadhi yao kuhamia na familia zao.

Kwa upande wake mkazi wa Kasera, Magreth Kashanga, na Salim Juma Ricco amesema migogoro ya ardhi mingi inasababishwa na baadhi ya maofisa na hivyo kuitaka ofisi ya mkurugenzi wa jiji kuacha kuibua mgogoro ambao haupo.

Zipo taarifa kuwa baadhi ya wananchi waishio maeneo ya Kange wanapanga kuandaa mkutano mkuwa wa siasa na Viongozi wa Chama cha mapinduzi CCM waila ya ya Yanga ili kurudhisha kadi za chama hicho jambo ambalo litaleta mgogoro mkubwa kati ya Halmashauri ya jiji na Chama Cha Mapinduzi CCM.

Viongozi wa Serikali za mitaa hiyo minne waliwahi kugawa viwanja ambavyo baadhi yao wamo wakazi wa Saru Magaoni ambao kwa jitihada za Mkuu wa Wilaya aliepita, Halima Dendego alifanya suluhu ya kuwafidia viwanja baada ya kutakiwa kuondoka maeneo yao kupisha ujenzi wa bandari mpya.