MKUU WA MKOA WA TANGA ASEMA TANGA SASA NI SHWARI, WAGENI MNAKARIBISHWA..!!

Na Godwin Henry.TANGA

MKUU wa mkoa wa Tanga Said Magalula  amesema hali ya kiusalama mkoani hapa  imeimarika na niyakuridhisha hivyo taasisi  na makampuni  yanakaribishwa kuandaa semina na mikutano pasipo kuwa na hofu yoyote ya kiusalama.

MKUU wa mkoa wa Tanga

Mh. Said Magalula

Magalula alisema hayo wakati akizungumza na maafisa rasilimali watu walio hudhuria semina ya mfuko wa mafao ya kustahafu GEPF iliyofanyika katika hoteli ya Tanga beach resort jijini hapa, ambapo ameutaka mfuko huo kuwa na utayari wakuandaa mkutano mkuu wa wanachama kwa mwaka 2015 mkoani hapa.

Baada ya tukio la mapigano ya kurushiana risasi baina ya majambazi na Polisi lililotokea kijiji cha Mleni kilometa tano kutoka katika vivutio vya Mapango ya Amboni biashara ya utalii na nyingine zimezorota mkoani hapa

Mhifadhi Msaidizi Mapango ya Amboni,Tabu Mtelekezo, amesema kwa sasa hakuna wageni wanaofika eneo hilo baada ya vyombo vya habari kupotosha eneo halisi lilipotokea mapigano baina ya majambazi na polisi.

Alisema toka tukio hilo lilipotokea hadi juzi wamepata wageni 16 ambapo ni idadi ndogo sana ikilinganishwa kabla ya tukio ambapo walikuwa wakipokea wageni 300 wa ndani na nje ya nchi.

Katika hatua nyingine Mkuu wa Mkoa aliwaasa maafisa rasilimali watu mkoani hapa kutopokea rushwa kutoka mifuko ya hifadhi ya jamii ili kuwashawishi watumishi wapya kujiunga na mifuko hiyo kwani nikinyume na sheria za nchi.

Nae Meneja wa masoko wa GEPF kutoka makao makuu Ayolce Ntukamazina amebainisha kuwa siri ya mafanikio ya mfuko huoni ubunifu wa huduma mpya na ubora katika utoaji wa mafao kwa wanachama wake.

Semina hiyo ya siku moja imehusisha maafisa rasilimali watu kutoka halimashauri za wilaya zote za mkoa wa Tanga pamoja na makampuni binafsi ukiwa ni mfululizo wa semina maalumu kwa nchi nzima huku Tanga ikiwa ni ya kwanza kupata fursa hiyo.