TETESI ZA USAJILI MAJUU "CITY YAJIPANGA KUMTEMA YAYA KWA AJILI YA POGBA..!

KLABU ya Manchester United inaongoza mbio za kumuwania beki chipukizi wa klabu ya Feyenoord Terence Kongolo katika majira ya kiangazi. Kongolo yuko katika rada za kocha wa zamani wa Feyenoord Ronald Koeman kwenda Southampton wakati Manchester City nao wameonyesha nia ya kumuunganisha nyota huyo mwenye umri wa miaka 20 na kaka yake Rodney ambaye anacheza katika kikosi chao cha vijana chini ya umri wa miaka 18.

Hata hivyo, United ndio wanaopewa nafasi kubwa ya kumsajili Kongolo huku Louis van Gaal akitajwa kumhusudu beki huyo wa kati kwa kumpa nafasi ya kuitumikia timu ya taifa ya Uholanzi kwa mara ya kwanza katika michuano ya Kombe la Dunia mwaka jana. Van Gaal atakuwa sokoni kutafuta mabeki katika majira ya kiangazi na atakuwa akiangalia kusajili mabeki wenye ubora kama Mats Hummels au Diego Godin.

Inawezekana Klabu ya Manchester City Huenda ikamuachia kiungo mshambuliaji wa klabu hiyo na timu ya taifa ya Ivory Coast Yaya Toure, kama watafanikisha kumsajili kiungo wa klabu ya Juventus Turin na timu ya taifa ya Ufaransa Paul Pogba katika usajili wa majira ya Joto.Katika siku za hivi karibuni Yaya Toure ameonyesha kiwango cha chini akiwa na klabu yake, baada ya kutokuimarisha safu ya kiungo ya Manchester City inayoongozwa na mchezaji wa timu ya Taifa ya Uhispania David Silva.