POLISI TANGA WAKAMATA WATU WAWILI NA BUNDA 40 ZA MIRUNGI.

Jeshi la polisi mkoani Tanga limefanikiwa kuwatianguvuni watu wawili  kwatuhuma za  kukamatwa na madawa ya kulevya aina ya mirungi bunda 40 sawa na kilo 8 ,walipokuwa wakizisafirisha kutoka Lushoto kuelekea Dar es Salaam wakitumia Basi kampuni ya Shambalai lenye namba za usajili T628.

Tukio hilo limetokea hapo jana majira ya saa 4 na robo asubuhi katika kijiji cha kwasanda kata ya Makuyuni Tarafa ya Mombo Wilaya ya Korogwe ,mara baada uya askari polisi kupata taarifa kutoka kwa raia wema.

Akithibitisha kutokea kwatukio hilo Kaimu kamanda Mkoani hapa Juma Ndaki amesema watuhumiwa ,walio shikiliwa ni Michael Charles mwenye umri wa miaka26,na Amir Islam miaka23 wote wakiwa ni utingo.

Ndaki ameongezea kuwa mara baada ya kubanwa watuhumiwa hao walikiri kufanya biashara hiyo  kwa lengo lakujipatia kipato. na punde watafikishwa mahakamani mara baada ya upelelezi wa awali  kukamilika.