ASASI ZA KIRAIA ZATAKIWA KUTUMIA NAFASI YAO KUFANIKISHA UTHIBITI WA UHARIBIFU WA MAZINGIRA.

Na Masanja Mabula .Pemba

Imeleezwa kuwa  asasi ya kiraia zina nafasi kubwa katika kufanikisha udhibiti wa uharibifu wa mazingira unaotokana na mabadiliko ya Tabianchi .

Hayo yameelezwa na Mkuu wa Wilaya ya Wete Pemba Hassan Khatib Hassan wakati akizungumza na Uongozi wa Jumuiya ya Maendeleo ya Jimbo la Mtabwe

Amesema kuwa katika kufanikisha hilo asasi za kiraia zinatakiwa kuwa mstari wambele kuwaelimisha wananchi athari za mabadiliko ya Tabianchi yanayotokea siku hadi siku.Mkuu huyo wa Wilaya ameitaka Jumuiya hiyo kuhakikisha kwamba maeneo ya wazi ambayo yameathirika kwa kukatwa miti ovyo yanarejeshwa katika hadhi yake kwa kupandwa miti

Aidha amewataka Viongozi wa Jumuiya hiyo kufanya kazi zao kwa mujibu na katiba yao na kuacha kuyaingiza masuala ya Kisiasa wakati wa utekelezaji na ufauatiaji wa kazi za Jumuiya hiyo .

Naye Diwani wa Wadi ya Mtambwe Bw Hamad Mjaka  Bakar amesema kuwa lengo Jumiya hiyo ni kutoa elimu ya utunzaji wa mazingira pamoja kutatua kero zao .