TAARIFA YA MICHUANO YA LIGI DARAJA LA KWANZA: NI VITA KATI YA AFRICAN SPORT, MAJI MAJI NA LIPULI.

Michuano ya Ligi Daraja la Kwanza Tanzania Bara inaingia raundi ya tatu kwa nusu ya pili ambapo wawakilishi wa Tanga kwenye michuano hiyo Wana kimanumanu African Sport wameendelea kupamabana ili kukata tiketi ya kucheza ligi kuu Tanzania Bara msimu ujao wa 2015/16. Katika Mchezo wa kwanza African Sport waliichapa African Lyon 1-0 na baadae kukubali kipigo cha 1-0 dhidi ya Lipuli Fc ya mkoani Iringa Mchezo uliopigwa katika Dimba la kumbukumbu ya Samora mkoani Iringa. A.Sprt walizindika tena kwa ushindi wa 1-0 dhidi ya Polisi Dar Es Salaam.

Wana kimanumanu African Sport

Baada ya kuishinda African Sport Lipuli fc imepanda kwa mpaka nafasi ya pili kwenye msimamo wa kundi hilo ikiwa na Points 26. Kabla ya kuwakabili African Sport  Lipuli waliibuka na ushindi wa 1-0 dhidi ya wababe wa DSM Friends Rangers. Mchezo unaofuata Lipuli watakuwa wenyeji wa  African Lyon katika uwanja  kumbukumbu ya Samora mkoani Iringa.Huo ni mchezo wa kiporo kwa Lipuli ambayo iko nyuma kwa mchezo mmoja tofauti na timu nyingine.

Kikosi cha Lipuli Fc

Nayo Kurugenzi FC ilianza vibaya mzunguko wa pili kwa kupoteza dhidi ya Tesema FC mchezo uliochezwa katika Dimba la mkwawani hapa jijini Tanga na baadae ikazinduka na kuichaba 2-0 timu ya Polisi Dar Es Salaam, kwa matokeo hayo Kurugenzi inakamata nafasi ya 9 ikiwa imejikusanyia  Point 16  na Mchezo unaofuata  itawakabili wauza  mitumba wa Ilala “Ashanti fc” katika Uwanja wa Karume jiji DSM.

MSIMAMO WA KUNDI A;KWA TIMU ZA JUU”

Majimaji         -28

Lipuli              -26

African Sport  -26

Friends          -24

RATIBA YA MECHI ZIJAZO KWA AFRICAN SPORT

Jan 12- African Sport Vs Ashanti(Mkwakwani)

Jan 15-African Sport Vs Tesema (Mkwakwani)

Jan 18-African Sport Vs Villa Squad (Mkwakwani)

RATIBA YA MECHI ZIJAZO KWA LIPULI FC

Jan 7- Lipuli Vs African Lyon (Kumbukumbu ya Samora Iringa)

Jan 11- Lipuli Vs Majimaji (Songea)

Jan 14 Lipuli Vs Mlale JKT (Songea)