BODABODA TANGA WAITAKA SERIKALI KUPUNGUZA WINGI WA KODI KUNUSURU BIASHARA HIYO.

Kamanda wa usalama barabarani Mkoa wa Tanga, Abdi Issango(kushoto) akizungmza na bodaboda Tanga

WAFANYABIASHARA wa pikipiki maarufu kama (Bodaboda), wameitaka Serikali kupitia Mamlaka ya Mapato Tanzania (TRA) na halmashauri ya jiji la Tanga kuwapunguzia wingi wa kodi vyenginevyo biashara hiyo inaweza kuwa ngumu kwao.

Wakizungumza katika kikao kilichowakutanisha, jeshi la polisi, mamlaka ya Mapato Tanzania (TRA) na halmashauri ya jiji la Tanga, wafanyabiashara hao wamesema kukuwa kwa sekta hiyo isiwe kafara kwa kuongezewa kodi.

Wamezitaja kodi hizo ni shilingi  25,000 wanazotakiwa kulipa Mamlaka ya Mapato, kodi ya Insuarence,  kodi ya pikipiki (motavehecle), na kodi ya  fire dinstungsher pamoja na kodi ya maegesho ya pikipiki zao ambazo zote hizo ni vigumu kulipika kulingana na kipato chao.

Mwenyekiti wa waendesha bodaboda hao Wilaya ya Tanga, Daudy Bilaly, amewataka madereva wenzake kuwa na umoja na mshikamano ili kuweza kuktatua kero zao kwa umoja.

Akizungumza katika kikao hicho, kamanda wa usalama barabarani Mkoa wa Tanga, Abdi Issango, aliwataka madereva wa pikipiki kuacha mtindo ulioibuka wa kupakiza abiria zaidi ya mmoja na kusema kuwa msako wa kukomesha tabia hiyo utaanza mara moja.