WIVU WA MAPENZI WAGHARIMU MAISHA YA MTU MKOANI TANGA.

Kamanda wa Polisi Mkoa wa Tanga Fresser Kashai akizungumza na waandishi wa Habari.Kushoto ni mwandishi wa Mtandao huu Rebeca Duwe

 Na.Rebeca Duwe TANGA

Mtu mmoja aliyefahamika kwa jina la Omari Bakari 31 mkazi wa Maguzoni alifariki dunia baada ya kupigwa ngumi na Shabani Zuberi 19 Mnyakyusi mkazi wa Maguzoni.

Akithibitisha kutokea kwa tukio hilo kamanda wa Polisi mkoa wa Tanga Frasser Kashai amesema tukio hilo limetokea mnamo tarehe 4 Novemba mwaka huu majira ya saa 6 mchana maeneo ya Maguzoni kata ya Kwafungo Tarafa ya Bwembwela Wilayani Muheza.

Aidha Kamanda Kashai amesema chanzo cha mauaji hayo ni wivu wa mapenzi na mtuhumiwa amekamatwa na atafikishwa mahakamani baada ya upelelezi kukamilika muda wowote kuanzia sasa.