MWATHIRIKA WA UKIMWI AJINYONGA TANGA.

Kamanda Kashai

Mnamo tarehe 13 novemba mwaka huu majira ya saa 10:30 asubuhi huko maeneo kata na Tarafa ya sindeni wilaya ya Handeni  Menyemo Moilo Lengeke mwenye umri wa miaka  20 alikutwa amekufa maji wakati akiogelea kwenye bwawa la maji  na imeelezwa kuwa Chanzo cha kifo hicho ni kunasa  kwenye matope chini ya bwawa .

Katika tukio jingine manamo tarehe 12 novemba mwaka huu majira ya saa 17:00 jioni maeneo ya kitongoji cha Gombelo Kijiji cha Kwamnele Kata ya Ndolwa na tarafa ya  Mzundu Amina  Selemani Kopwe  (35 )  mkulima na mkazi wa Kwamnele alikutwa amejinyonga  juu ya mti hadi kufa  kwa kutumia  kitenge ambacho alikuwa amekifunga juu ya mti huo  umbali wa mita 60 toka  nyumba anayoishi.

Aidha imebainika kuwa kabla ya kufanya tukio hilo marehemu alikuwa anasumbuliwa kwa muda mrefu  na maradhi ya ugonjwa wa UKIMWI jambo lililo mfanya kukata tama ya kuishi na hata kufikia uamuzi wa kujinyonga.

Kamanda wa Polisi Mkoa wa Tanga Fresser Kashai amesema  baada ya tukio hilo dada wa marehemu aitwaye  zuhura  Selemani  mwenye umri 44 ambaye alikuwa anamuuguza marehemu kwa muda mrefu alikwenda kutoa taarifa Polisi juu ya kutokea kwa tukio hilo.

Mwili wa marehemu umekabidhiwa kwa ndugu wa marehemu kwaajili ya mazishi baada ya uchunguzi wa Daktari kukamilika.