MBUZI AGHARIMU MAISHA YA MTU TANGA.!!

Na Mwandishi Wetu Tanga

Mnamo wa tarehe  11 Novemba mwaka huu majira ya saa saba za usiku huko kijiji cha Kwemazandu kata na tarafa ya Magoma Wilaya ya Korogwe mtu mmoja mwenye jinsia ya kiume anayekadiriwa kuwa na umri kati ya miaka 18 hadi 30 asiyefahamika jina wala makazi aliuawa  kwa kupigwa na watu waliojichukulia sheria mkononi  kwa tuhuma za wizi wa  mbuzi mmoja mali   ya Daudi Abdallah umri wa miaka 47  mkazi wa Kwemazandu.

Akithibitisha kutokea kwa tukio hilo Kamanda wa Polisi Mkoa wa Tanga Frazzer Kashai amesema kuwa amesema hakuna mtu aliyekamatwa kutokana na tukio tukio hilo la mauaji.

Sambamba na hayo Kamanda Jeshi la Polisi linatoa rai kwa wananchi wote kufanya kazi au biashara zinazoruhusiwa  kisheria ambazo zinaweza kuwapatia kipato kwa  na kuacha kabisa biashara  haramu za madawa ya kulevya ambayo yanamadhara makubwa kwa afya za watumiaji.

Aidha jeshi la polisi mkoani hapa pia limewataka wananchi kuacha tabia ya kujichukulia sheria mikononi kwa kuwaua wale wanaodhaniwa kuwa ni wahalifu badala yake wakamatwe na kufikishwa kwenye vyombo vya sheria kwa hatua zaidi.