POLISI TANGA WAKAMATA KILO 116 ZA MIHADARATI AINA YA MIRUNGI..!

Na Mwandishi Wetu.TANGA

Jeshi la Polisi mkoani hapa limekamata kiasi cha kilogram 116 ya madawa ya kulevya aina ya mirungi ambayo bado thamani yake bado hakija fahamika  ikisafirishwa  kwa kutumia gari lenye namba za usajili T.134 CWL aina ya mitsubishi  ikitokea Arusha kuelekea Dar es salaam na mtu mmoja aliyefahamika kwa jina la Haji Hamisi umri wa miaka 27 ambaye ni Kondakta wa gari hilo.

Akithibitisha kutokea kwa tukio hilo kamanda wa jeshi la Polisi Mkoa wa Tanga Frazzer Kashai amesema tukio hilo mnamo wa tarehe 9 Novemba mwaka huu majira ya saa 20:00 usiku huko  katika kizuizi cha Polisi Mombo maeneo ya Liverpool kata na tarafa ya Mombo Wilaya ya Korogwe alikamatwa  mtuhumiwa  huyo ambaye ni mkazi wa Moshi Pasua.

Aidha  kamanda Kashai wakati mtuhumiwa akikamatwa Dereva wa gari hilo alifanikiwa kutoroka na mtuhmiwa amekiri kufanya biashara hiyo ya Mirungi kwa lengo la kujipatia kipato.

Hata hivyo kamanda huyo amesema mtuhumiwa atafikishwa mahakamani muda wowote kuanzia sasa baada ya upelelezi  wa awali  kukamilika na msako mkubwa dhidi ya dereva huyo aliyetoroka zinaendelea ili sheria iweze kuchukua mkondo wake.