“KIMATAIFA KIRAFIKI” UHOLANZI HOI KWA MEXICO, ARGENTINA NA BRAZIL ZASHINDA

STRAIKA wa zamani wa Arsenal, Carlos Vela, amesheherekea kurejea kuichezea Mexico baada ya Miaka Mitatu kwa kufunga Bao 2 wakati Nchi yake ikiichapa Netherlands Bao 3-2 huko Amsterdam kwenye Mechi ya Kimataifa ya Kirafiki.

Carlos Vela, ambae aliichezea Arsenal Mechi 64 kati ya 2008 na 2012, alifungiwa Miezi 6 na Mexico Mwaka 2010 na baadae mwenyewe aliamua kutoichezea Mexico.

Vela alifunga Bao lake la kwanza kwenye Dakika ya 8 na Holland, waliocheza bila ya Nahodha wao Robin van Persie, walisawazisha Dakika ya 49 kwa Bao la Wesley Sneijder.

Kisha Vela na Javier Hernandez ‘Chicharito’ wakaongeza Bao 2 katika Kipindi hicho cha Pili.

Netherlands, chini ya Kocha Gus Hiddinck aliechukua mikoba kutoka Louis van Gaal baada ya Fainali za Kombe la Dunia Mwezi Julai, sasa wamefungwa Mechi 4 kati ya 5 walizocheza mwisho.

Mechi inayofuata kwa Netherlands ni ya Kundi A la EURO 2016 dhidi ya Latvia hapo Jumapili na kwenye Kundi hilo wapo Nafasi ya 3 baada ya kupoteza Mechi zao na Czech Republic na Iceland.

VIKOSI:

Netherlands: Krul; Van Rhijn, Veltman, Vlaar, Willems; Afellay, Sneijder, Blind; Robben, Huntelaar, Depay

Akiba: Cillessen, Vermeer, Van der Wiel, Wijnaldum, Bruma, De Jong, Fer, Narsingh, Promes, De Vriji

Mexico: Ochoa; Aguilar, Reyes, M. Herrera, Alanis, Aldrete; Vazquez, H. Herrera, Guardado; Vela, Hernandez

Akiba: Corona, Talavera, Ponce, Jimenez, Gonzalez, Corral, Gio Dos Santos, Dominguez, Jonathan Dos Santos, Venegas

REFA: Szymon Marciniak [Poland]

MATOKEO:MECHI NYINGINE

Jumatano Novemba 12         

Turkey 0 Brazil 4                 

Belgium 3 Iceland 1             

Norway 0 Estonia 1             

Netherlands 2 Mexico 3                 

Argentina 2 Croatia 1

++++++++++++++++++++