HABARI ZA VILABU ULAYA “STURRIGE AREJEA KUIOKOA LIVERPOOL”

DANIEL STURRIDGE: ARUDI MAZOEZINI LIVERPOOL!

Straika wa Liverpool Daniel Sturridge ameanza tena Mazoezi tangu aumie Musuli za Pajani [Hamstring] Mwezi Agosti akiwa na Timu ya Taifa ya England.

Kukosekana kwa Straika huyo ambae ndie amegeuka mtambo wa Magoli wa Liverpool kumewafanya washinde Mechi 4 tu kati ya 14 ambazo amezikosa.

Sturridge, ambae alifunga Bao 21 katika Mechi 29 za Ligi Msimu uliopita, alikaribia kurejea Uwanjani Mwezi uliopita lakini akapata maumivu mengine Mguuni yaliyomweka nje kwa kipindi kingine.

Bosi wa Liverpool Brendan Rodgers anategemea Sturridge atakuwa fiti kucheza Mechi yao inayokuja ya Ugenini ya Ligi Kuu England na Crystal Palace hapo Novemba 23.

Msimu huu, Sturridge amecheza Mechi 3 tu za Ligi na kufunga Bao walipocheza Anfield Agosti 17 na kuifunga Southampton 2-1.

Kwenye Msimamo wa Ligi Kuu England, Liverpool wapo Nafasi ya 11 wakiwa Pointi 15 nyuma ya Vinara Chelsea na hawajashinda katika Mechi 3 zilizopita.

ANDRE SCHURRLE APUUZA RIPOTI ZA KUIHAMA CHELSEA!

Andre Schurrle, Mjerumani wa Miaka 24 ambae alisainiwa na Chelsea Miezi 18 iliyopita kutoka Bayer Leverkusen, amekuwa hayuko kwenye fomu nzuri tangu arejea kutoka Brazil alikoisaidia Germany kutwaa Kombe la Dunia na hali hiyo imesababisha uvumi kuwa atauzwa Mwezi Januari.

Lakini Schurrle mwenyewe ameibuka Mtandaoni na kudai bado ana Mwaka mmoja na Chelsea na kuuzima uvumi huo.

Msimu huu, Schurrle amecheza Mechi mbili tu kwa Dakika zote 90, zote za Capital One Cup, na mara nyingi Meneja wa Chelsea Jose Mourinho amemtaka Mchezaji huyo kuongeza bidii.

NANI: ANAIFIKIRIA SPORTING LISBON TU NA SI KURUDI MANCHESTER UNITED!

Nani, Winga wa Manchester United ambae yuko kwao Ureno akicheza na Sporting Lisbon kwa Mkopo wa Msimu mmoja, amesema licha ya Mashabiki wengi wa Man United kumtaka arejee Old Trafford yeye anataka abakie Ureno tu kwa vile yupo kwenye raha kubwa.

Baada ya kudorora akiwa na Man United, tangu arejee kwao kuichezea Sporting Lisbon Nani amelipuka na kuwa Mchezaji moto.

Alipohojiwa kama atakatiza kucheza kwa Mkopo Sporting na kurejea Man United, Nani alijibu: “Sidhani kama kipo kipengele cha aina hiyo. Ni suala la Watu wengine kuamua. Ni safi kupata upendo wa Mashabiki wa Man United. Wanataka nirudi. Lakini hapa nipo kwenye wakati mzuri. Nafikiria kuendelea tu hapa. Soka ndio lilivyo, Siku moja unasifiwa, Siku nyingine unapondwa!”

LIGI KUU ENGLAND

RATIBA:

**Saa za Bongo

Jumamosi Novemba22

1800 Chelsea v West Brom         

1800 Everton v West Ham          

1800 Leicester v Sunderland                 

1800 Man City v Swansea           

1800 Newcastle v QPR               

1800 Stoke v Burnley                 

2030 Arsenal v Man United                  

Jumapili Novemba 23

1630 Crystal Palace v Liverpool   

1900 Hull v Tottenham              

Jumatatu Novemba 24

2300 Aston Villa v Southampton