BARUTI YAWAKATA MIKONO WAVUVI HARAMU TANGA.

Watu hao wakiwa Hospitali ya Rufaa Bombo

kwa matibabu

Na Rebeca Duwe.TANGA

Katika tukio lisilokuwa la kawaida watu wawili wamejeruhiwa vibaya Mkoani hapa wakati wakitekeleza uhalifu wa kuvua Samaki kwa kutumia baruti(Uvuvi Haramu) katika bahari ya Hindi.

Watu hao wakiwa Hospitali ya Rufaa Bombo

kwa matibabu

Tukio hilo limetokea mnamo Novemba 12 mwaka huu majira ya saa 8 mchana katika kisiwa cha Karange kata ya Tangasisi Tarafa ya Pongwe wilaya ya Tanga Mjini ambapo, watu hao wametambuliwa kwa majina ya Hamisi Omari Kassim miaka 38 na Adam Selemani Kapera miaka 32 wote ni wadigo na wakaazi wa Mwambani.

Watu hao walijeruhiwa baada ya kulipukiwa na baruti hiyo wakiwa baharini wanavua kwa njia ya Uvuvi haramu. Watu hao wamepoteza baadhi ya viungo vya miili yao ambapo Hamisi Omari Kassim amekatika mkono wa kulia na ameumia jicho la kulia na Adam Selemani Kapera amekatika mikono yote miwili na kuumia macho yote mawili pia amekatika vidole vyote vine vya mguu wake wa kushoto na ameungua kifuani.

Akithibitisha kutokea kwa tukio hilo Kamanda wa Polosi Mkoa wa Tanga Fresser Kashai amesema chombo kilichotumika katika tukio hilo kimetamuliwa kwa namba TTA 315 anina ya Ngalawa ambapo majeruhi wote wamelazwa katika Hospitali ya Rufaa ya Bombo.

Watu hao wakiwa Hospitali ya Rufaa Bombo

kwa matibabu

Kamanda Kashai amesema Upelelezi ili kuwabaini washirika wao na mtandao mzima wa Uvuvi Haramu kwa hatua za Kisheria.

Katika taarifa yake kwa Waandishi wa Habari Kamanda Kashai amesema Jeshi la Polisi mkoani hapa linatoa wito kwa wananchi kutoa taarifa kwenye vyombo vya usalama mara wanapowaona wavuivi wanaovua kinyume cha sheria hasa kwa kutumia baruti kitendo ambacho kinaleta madhara makubwa  kwenye rasilimali kama samaki, pia samaki wanaovuliwa kwa baruti huwa na madhara makubwa kwa afya za walaji.