JESHI LA POLISI MKOANI TANGA LAKATAZA WANANCHI KUHUKUMU WAHALIFU KINYUME CHA SHERIA.

ACP KASHAI

KUTOKANA na matukio ya kujichukulia sheria mkononi yanayo endelea kushika kasi mkoani Tanga Jeshi la polisi mkoani hapa limetoa rai kwa wakazi kuachana na vitendo hivyo kwani ni kinyume cha sheria na ni kosa la jinai.

Rai hiyo imetolewa na kamanda wa Jeshi la Polisi mkoani Tanga Fressar Kashai wakati akizungumza na waandashi wa habari katika mkutano uliofanyika ofisini jijini TANGA.

Kamanda kashai amesema kumekuwa na matukio ya wananchi  kujichukulia sheria mkononi pasipo kujua kuwa wana vunja sheria jambo ambalo halipo kisheria.

Kashai pia amesema mnamo tarehe 06 Nov mwaka huu majira ya saa moja usiku huko kijiji cha Mapanga Kata na Tarafa ya Kwekivu Wilaya ya Kilindi Mkoani Tanga mwanaume mmoja alie fahamika kwa jina la Sharifu Selemani mwenye umri wa miaka 25 mkazi wa kijiji cha Mapanga alijeruhiwa kwa kukatwa na panga mkono wa kushoto na mke wake aitwae Gladness Daniel 18.

Hata hivyo kamanda kashai amesema majeruhi amelazwa katika hospitali ya KKKT Songe na hali yake inaendelea vizuri ambapo imebainika kuwa chanzo cha tukio hilo ni wivu wa kimapenzi aliokuwa nao mtuhumiwa huyo ambae ni mke wake.

Aidha kamanda kashai ameeleza kuwa mtuhumiwa wa tukio hilo amekamatwa na atafikishwa mahakamani muda wowote kuanzia sasa baada ya upelezi wa awali kukamilika.