BAADA YA KIPIGO CHA SWANSEA JANA MZEE WENGER AKIRI CHELSEA HAIKAMATIKI..!!

Liberty Stadium Usiku wa hapo jana ilikuwa ni nderemo baada ya wenye Nyumba Swansea City kutoka nyuma kwa Bao 1-0 na kuifunga Arsenal Bao 2-1 kwenye Mechi ya Ligi Kuu England.

Arsenal walipata Bao lao Dakika ya 63 baada ya Oxlade-Chamberlain kuunasa Mpira katikati ya Uwanja na kuwachambua Wapinzani wawili kisha kumpasia Cazorla ambae haraka alimpelekea Danny Welbeck na kumhadaa Beki mmoja na kumsogezea Alexis Sanchez aliefumua Shuti lililomshinda Kipa wa zamani wa Arsenal, Lukas Fabianski.

Dakika ya 75, Swansea walisawazisha kwa Frikiki murua ya Gylfi Sigurdsson aliyopiga kutoka Mita 25 na kumshinda Kipa Szczesny.Frikiki hiyo ilitokana na Rafu ya Gibbs kwa Barrow.

Swansea walipiga Bao la Pili Dakika ya 78 kupitia Bafetimbi Gomis ambae aliingizwa Dakika 1 tu nyuma kumbadili Wilfried Bony na kuugusa Mpira kwa mara ya kwanza tu.

Bao hilo lilitokana na kazi njema ya Jefferson Montero aliempita Calum Chambers na kutumbukiza Krosi iliyopigwa Kichwa na Bafetimbi Gomis na kutinga wavuni.

Ushindi huu umewapaisha Swansea hadi Nafasi ya 5 na kuwashusha Arsenal Nafasi ya 6.

Ligi Kuu England sasa itakuwa nje kupisha Mechi za Kimataifa na Arsenal watarejea Uwanjani Jumamosi Novemba 22 wakiwa kwao Emirates kucheza na Manchester United.

Baada ya kipigo hicho BOSI wa Arsenal Arsene ameungama kuwa Msimu huu hakuna Timu yeyote itakayowashika Vinara wa Ligi Kuu England amabao baada ya Mechi 11 wanaongoza wakiwa kwa mbele kwa tofauti ya pengo la Pointi 4 mbele ya Timu ya Pili Southampton. Nyuma ya Southampton wapo Mabingwa Watetezi Manchester City ambao wako Pointi 8 nyuma ya Chelsea.

Wenger ameeleza: “Wakiendelea hivi, inaonyesha hakuna atakaeikamata Chelsea! Kwa sasa hakuna anaeonyesha hivyo!”

Jumamosi, wakiwa huko Anfield, Chelsea walitoka nyuma kwa Bao 1-0 na kuichapa Liverpool Bao 2-1. Ligi Kuu England sasa imesimama kupisha Mechi za Kimataifa na itarejea tena kilingeni Jumamosi Novemba 22 na Siku hiyo Arsenal wako kwao Emirates kucheza na Manchester United.

VIKOSI:

Swansea City: Fabianski; Rangel, Bartley, Williams, Taylor; Carroll, Ki; Emnes (Barrow - 67'), Sigurdsson, Montero; Bony (Gomis - 76').

Akiba: Amat, Britton, Gomis, Tiendalli, Tremmel, Fulton, Barrow.

Arsenal: Szczesny; Chambers, Mertesacker, Monreal, Gibbs; Flamini (Wilshere - 79'), Ramsey (Walcott - 79'); Oxlade-Chamberlain, Cazorla, Sanchez; Welbeck.

Akiba: Rosicky, Podolski, Wilshere, Walcott, Sanogo, Martinez, Bellerin.

RATIBA/MATOKEO:

**Saa za Bongo

Jumapili Novemba 9

Sunderland 1 Everton 1

Tottenham 1 Stoke 2

West Brom 0 Newcastle 2

Swansea 2 Arsenal 1

++++++++++++++++++++++

MSIMAMO

NA	TIMU	P	GD	PTS
1	Chelsea	11	17	29
2	Southampton	11	18	25
3	Man City	11	10	21
4	West Ham	11	5	18
5	Swansea	11	4	18
6	Arsenal	11	6	17
7	Man United	11	3	16
8	Newcastle	11	-2	16
9	Stoke	11	-1	15
10	Everton	11	2	14
11	Liverpool	11	-1	14
12	Tottenham	11	-2	14
13	West Brom	11	-2	13
14	Sunderland	11	-7	12
15	Hull	11	-2	11
16	Aston Villa	11	-11	11
17	Crystal Palace	11	-6	9
18	Leicester	11	-7	9
19	QPR	11	-11	8
20	Burnley	11	-13	7

RATIBA:

**Saa za Bongo

Jumamosi Novemba22

1800 Chelsea v West Brom          

1800 Everton v West Ham          

1800 Leicester v Sunderland                 

1800 Man City v Swansea           

1800 Newcastle v QPR               

1800 Stoke v Burnley                 

2030 Arsenal v Man United                   

Jumapili Novemba 23

1630 Crystal Palace v Liverpool   

1900 Hull v Tottenham               

Jumatatu Novemba 24

2300 Aston Villa v Southampton