WAKATI Tz IKIGOMBEA UENYEJI, MOROCCO WAKATAA KUANDA AFCON 2015...!!

 

JANA Wenyeji wa AFCON 2015, Fainali za Kombe la Mataifa ya Afrika, Morocco, walishindwa kuijibu CAF kama wataruhusu Mashindano hayo kuchezwa kama ilivyopangwa kuanzia Januari 17 baada ya awali kuomba yaahirishwe kutokana na tishio la Ugonjwa wa Ebola.

Wiki iliyopita, CAF ilikataa maombi hayo ya Morocco na iliwataka wawe wameamua ifikapo Jana kama watakubali Mashindano hayo yachezwe kama yalivyopangwa au la.

Wiki iliyopita, CAF ilikataa maombi hayo ya Morocco na iliwataka wawe wameamua ifikapo Jana kama watakubali Mashindano hayo yachezwe kama yalivyopangwa au la.

Vile vile CAF ilizitaka Nchi ambazo ziko tayari kuchukua nafasi ya Morocco kujitokeza ifikapo Jana ili wafikiriwe kupewa Uenyeji wa Fainali hizo zilizopangwa kuanza Januari 17 hadi Februari 8 Mwakani.

CAF inatarajiwa kutoa uamuzi wake wa nini kifanyike kuhusu AFCON 2015 mara baada ya Kikao chao cha Kamati Kuu ambacho kitafanyika Mjini Cairo, Misri hapo Jumanne Novemba 11.

Licha ya kuigomea AFCON 2015, Mwezi ujao Morocco wanatarajiwa kuwa Wenyeji wa Mashindano ya FIFA ya Kombe la Dunia kwa Klabu.

Akiongelea kuhusu sakata hili, Katibu Mkuu wa CAF, Hicham El Amrani, amesema wao hawawezi kuruhusu Mashindano yeyote kufanyika iwapo ipo hatari yeyote na ndio maana waliongea na Shirika la Afya Duniani, WHO [World Health Organisation], ili kupata ushauri wao ambao ni kutoruhusu mkusanyiko wa Watu wengi kwa Nchi zilizoathirika na Ebola tu.

Ugonjwa wa Ebola umeshaua Watu wanaokaribia 5,000 na wengi wao ni wa Nchi za Afrika ya Magharibi na hasa Nchi za Liberia, Guinea na Sierra Leone kwa mujibu wa WHO.

Hivi sasa AFCON 2015 ipo hatua ya Makundi ambayo itatoa Nchi 15 kuungana na Mwenyeji kucheza Fainali hizo na katika hizo Nchi ziliziathirika na Ebola na zenye nafasi ya kwenda Fainali ni Nchi moja tu ambayo ni Guinea..

Lakini cha kushangaza, Guinea, ambayo CAF ilizuia Mechi zake za Nyumbani zisichezwe Nchini humo kutokana na Ebola iliruhusiwa na Morocco hiyo hiyo inayoogopa Ebola kucheza Mechi zake zote za Nyumbani Mjini Casablanca Nchini Morocco.