WAKRISTO NCHINI WATAKIWA KUSIMAMA IMARA KATIKA FAMILIA.

Askofu Titus Joseph Mdoe

Na Dominic Maro.TANGA

WAKRISTU nchini wametakiwa kutambua chimbuko la imani ya kweli ni familia iliyo na msingi bora na yenye furaha muda wote.

Rai hiyo imetolewa na Askofu Titus Joseph Mdoe ambaye ni askofu msaidizi wa jimbo kuu la Dar es salaam kwenye ibaada ya misa takatifu ya Hija ambayo imefanyika kwenye kituo cha Hija Gare Lushoto jimbo Katoliki la Tanga.

Amesema familia ndiyo chanzo na chimbuko la ukristu yatupasa kuimarisha familia zetu ilikuweza kupata miito mbalimbali kama vile upadri,utawa,ndoa zilizo bora na taifa lenye hofu ya Mungu.

Hata hivyo askofu Mdoe hakusita kuomba maskofu, mapadre, makateksta na watawa kuwasaidia wanafamilia wenye mgogoro kujua ukweli juu ya changa moto za familia ili kuziponya.

Pia ibaada hiyo ya Hija imehudhuriwa na maskofu wawili wakiwemo Askofu Mdoe na askofu Banzi , mapdre zaidi ya 35 , masister, makatekista na waumini zaidi 9000 kutoka kila kona ya jimbo la Tanga na jirani.