MWENDO KASI WA PIKIPIKI WAGHARIMU MAISHA YA MTU TANGA..!!

Na Rebeca Duwe Tanga.

Jeshi la polisi mkoani Tanga  linamshikilia mtu mmoja aliefahamika kwa jina la Huseni Said mwenye umri wa miaka 24 aliyekuwa akiendesha pikipiki yenye namba za usajili T .745 CGK kwa  kosa la kuwagonga watu wawili waliokuwa wakitembea kwa miguu na kusababisha vifo na majera.

   

Akithibitisha kutokea kwa tukio hilo Kamanda wa Jeshi la Polisi Mkoani hapa Frasser Kashai amesema  mnamo tarehe 17 oktoba mwaka huu huko maeneo ya Kwamaligwa kata ya Kibirisha tarafa ya Mgera wilaya ya Kilindi  mkoani hapa Husein Said mwenye umri wa miaka 24 ambye ni dereva wa pikipiki hiyo aliwagonga watembea kwa miguu Kauye  Mjwayu na kufariki dunia mara baada ya kufikshwa zahati ya Kibirashi ambapo Rehema Said mwenye umri wa miaka  24 naye aligongwa kuumia bega la kulia wote wakiwa ni wakazi wa Kwamaligwa.

Hata hivyo kamanda Kashai amesema kuwa chanzo ajali hiyo ni mwendo kasi ambapo mtuhumiwa amekamatwa na atafikshwa mahakamani mara upelelezi kukamilika.

 Sanjari na hayo jeshi la polisi linatoa wito kwa wananchi kuheshimu sheria za nchi, kwani kufanya kitendo chochote kinyume cha sheria ni kosa na sheria itachukua mkondo wake.

 Aidha ametoa wito kwa watumiaji wote wa vyombo vya moto na watumiaji wote wa barabara kuzingatia sheria usalama za usalama barabarani .