AUWAWA KIKATILI NA KUIBIWA PESA MKOANI TANGA..!!!

Kamanda wa Polisi Mkoa wa Tanga Frasser Kashai akizungumza na Waandishi wa habari.(hawapo pichani)

Na Rebeca Duwe.TANGA

Mtu mmoja aliyefahamika kwa jina la Emanuel Lugazo 18 mkulima na mkazi wa Chamwino Dodoma amefariki dunia mara baada ya kukatwa na  mapanga kichwani na mkono wa kushoto na watu wasiojulikana alipokuwa akilima shambani kwa Damian Aloyce 49 mkazi wa Kwamgwe na kumuibia kiasi cha Tshs.300,000 pamoja na simu za mkononi 3 ambazo thamani yake bado haijafahamika.

Kamanda wa polisi mkoani hapa Frasser Kashai amesema tukio hilo limetokeo mnamo tarehe 18 oktoba mwaka huu majira ya saa 5 usiku huko Kwamgwe Kata na Tarafa ya Mkumbuli Wilaya ya Handeni .

Sambamba na hayo Kamanda Kashai amesema chanzo cha mauaji hayo bado kinachunguzwa na hakuna mtu aliyekamatwa kuhusiana na tukio hilo na hivyo basi msako wa kuwatafuta watuhumiwa unaendelea.