"INASIKITISHA" KIKONGWE ABAKWA NA KUUAWA KIKATILI MKOANI TANGA.

Kamanda wa Polisi Mkoa wa Tanga Frasser Kashai akizungumza na Waandishi wa Habari, (hawapo pichani)

Na Rebecca Duwe.TANGA

Mtu mmoja aliyefahamika kwa jina la Halima Omari 65 mkulima na mkazi wa Songe mjini amefariki dunia baada yakukutwa akiwa ameuawa kwa kunyongwa baada ya  kubakwa na kulawitiwa kisha mwili wake kutupwa kwenye korongo la takataka na watu wasiojulikana.

Akithibitisha kutokea kwa tukio hilo kamanda wa polisi mkoani hapa Frasser Kashai amesema tukio hilo limetokea mnamo tarehe 29 octoba mwaka huu majira ya saa 12 asubuhi huko kijiji cha Songe Kata ya Songe na Tarafa ya Kwekivu.

Kamanda Kashai amesema kufuatia msako uliofanywa wamekamatwa watuhumiwa 3 ambao ni 1.Rashid Sulemani miaka 22 mkulima na mkazi wa Songe mtuhumiwa huyu alikuwa ametoroka na amekamatwa akiwa wilaya ya Kiteto. 2.Kombo Kilo miaka 59 mkulima na mkazi  wa Songe , 3.Charles Mboya miaka 54 mkazi wa kijiji cha kwa Stemba.

Sambamba na hayo kamanda Kashai amesema watuhumiwa hao watafikishwa mahakamani kujibu tuhuma inayowakabili wakati wowote kuanzia sasa baada ya upelelezi kukamilika.

Jeshi la polisi Mkoani hapa linaendelea kuwa sisitiza  wananchi kuendelea kuonyesha ushirikiano wa kutoa taarifa za kisiri juu ya uwepo wa wahalifu katika maeneo yao wanayoishi ili kuweza kuzuia na kukabiliana na uhalifu.