(FDL)AFRICAN SPORT WASHINDWA KUTAMBA KATIKA UWANJA WA NYUMBANI DHIDI YA LIPULI.

Kikosi cha African Sport wana “Kimanumanu”

Kikosi cha Lipuli FC

Na Godwin Henry. TANGA

Michuano ya Ligi Daraja la Kwanza FDL msimu wa 2014/15 imeendelea hapo jana ambapo katika Dimba la CCM Mkwakwani hapa jijini Tanga wawakilishi wa Mkoa wa Tanga katika ligi hiyo African Sport “wana kimanumanu” walishindwa kutamba katika Uwanja wao wa nyumbani na kulazimishwa sare ya 1-1 dhidi ya Lipuli FC ya Iringa.

Katika mchezo huo bao la Sport lilipatikana mnamo dk ya 44 ya kipindi cha kwanza kwa mkwaju wa penalt uliopigwa na kiungo Ali Ramadhani “Kagawa” kufuatia madhambi yaliyofanywa na walinzi wa Lipuli dhidi ya Mshambuliaji wa Sport katika eneo la hatari.

Bao la kusawazisha la Lipuli lilipatikana mnamo dk ya 54 likifungwa kiufundi na Winga Musa Abdallah kufuatia uzembe uliofanya na Beki wa kushoto wa African Sport "Mwita Gereza"kushindwa kumiliki mpira vizuri alionziwa na Golikipa wao Yusuph Yusuph.

Katika mchezo huo Sport walionesha ufundi wa wa hali ya juu kwa kutandaza soka la pasi nyingi fupifupi na kufanikiwa kutengeneza nafasi nyingi ambazo walishindwa kuzitumia.Winga wa African Sport Maulid Abbas alieingia kipindi cha pili alionesha kipaji cha hali ya juu kwa chenga za maudhi na krosi za uhakika.

Nao Lipuli hawakuwa nyuma kwani walitumia mipira mirefu na kushambulia kwa kasi ambapo mara kadhaa walijikuwa wako na golikipa lakini bahati haikuwa yao kwani umaliziaji ulikuwa dhaifu sana.

Kikosi cha Sport jana kilikuwa na

1.Yusuph .A.Yusuph GK

2.Mwaita Gereza

3.Ali Isa Ali

4.Juma Shemvuni

5.Nzara Ndaro

6.Mussa Mohammed

7.Mohammed Issa

8.Ali Ramadhani

9.Hasaan Matarema

10.Hussein Issa

11.Evarigestus Munjwahuki

Sub

1..Zakaria Mwaluko GK

25.Khalfan Kwenye

15.Issa Shabani

05.James Salu Mondi

12.Maulid Abbas "dk 60'

09.Fadhil Abdallah Kizenga

26.Maulid Milanda

Africna Sport watakuwa tena Dimbani Jumapili Oct 19 kuwakabili Polisi ya DSM katika Uwanja wa Mkwakwani jijini Tanga, Mchezo utakaoanza saa 10 kamili za jioni.