AKAMATWA NA RISASI ZA SHORTGUN TANGA

Mfano

Na Evelyn Balozi.TANGA

JESHI la polisi mkoani hapa linamshikilia mtu mmoja aliyefahamika kwa jina la Michael Charles 28, mkazi wa Morogoro kwa kupatikana na risasi moja ya shortgun na 38 za Markfour zikiwa ndani ya begi lake.

Mtu huyo amekamatwa eneo la maili Kumi Kata ya Segera Tarafa ya Mkumburu Wilaya ya Korogwe ya basi la abiria No.T.510 CLB aina ya Nissan Caravan akitokea Monduli mkoa wa Arusha kwenda mkoani Morogoro.

Katika tukio hilo la Octoba 8 mwaka huu majira ya 5 usiku mtuhumiwa amekiri kufanya biashara hiyo ya usafirishaji wa risasi na alieleza kuwa risasi hizo ameagizwa na mkazi mmoja wa Mkoani Morogoro.

“mtuhumiwa amefikishwa mahakamani tarehe 10 octoba mwaka huu kujibu tuhuma inayomkabili na watu wafanye kazi halali. Alisema Kamanda Kashai.
 

Wakati huohuo Jeshi la polisi Mkoani hapa linawashikilia Keneth Ekenee 31 na Ameki Boniface 31 raia wa Nigeria kwa kumiliki milipuko 8 ya miamba ya madini pamoja na waya mmoja wa kuunganisha milipuko hiyo.

Kamanda Kashai amesema tukio hilo limetokea Octoba 12 mwaka huu majira ya saa saba mchana huko kijiji cha Kigwashi Kata ya Mashewa Tarafa ya Magoma Wilaya Ya Korogwe ambapo watuhimiwa hao wakiwa nyumbani kwa mwenyeji wao aitwaye Frenk maarufu Miki ambaye alikimbia mara baada ya watuhumiwa hao kukamatwa.