YABAINIKA KUWA WASINDIKAJI WENGI NCHINI HAWAZINGATII SHERIA NA KANUNI ZA MAMLAKA YA CHAKULA NA DAWA.

Na Evelyn Balozi TANGA.

Imebainika kuwa wasindikaji waliowengi nchini hawazingatii kanuni na sheria za mamlaka ya chakula na dawa, uhifadhi na uuzaji wa vyakula huku wengine wakiendesha shughuli hizo bila kusajiliwa hali ambayo inatia shaka juu ya usalama wa bidhaa zao.

Hayo yamebainishwa na Mkaguzi Mkuu wa vyakula kutoka Mamlaka ya Chakula na Dawa (TFDA) Lazaro Mwambole katika mafunzo ya wasindikaji wadogo wa vyakukla yanayofanyika mkoani kwa siku mbili kwenye ukumbi wa Veta jiji Tanga.

Mwambole pia amewataka watanzania kujizoeza desturi ya kukagua vyakuwa wakati wa manunuzi na matumizi ili kupata

Kwamujibu wa Kaimu Mkurugenzi wa Mamlaka ya Chakula na Dawa TFDA, ambae pia ni Meneja Ukaguzi na uthibiti wa mamlaka hiyo Justine Makisi, amesema umuhimu wa wasindikaji wadogo kutokana na kuchangia karibu 22% ya pato la taifa ndio uliopelekea kutolewa mafunzo hayo nchi nzima.

Tathmini ya Mamlaka ya chakula na dawa TFDA mwaka 2006/2007 ulibaini wasindikaji wadogo na wakati ambao ni asilimia 74% ya wasindikaji waliopo nchini ambao wengi wao hawajafikia viwango vya usindikaji salama na bora.

Hadi sasa TFDA imetoa mafunzo kwa wasindikaji wajasiriamali 600 kutoka mikoa ya Dar es saalam, Pwani, Morogoro, Dodoma, Singida, Arusha, Mbeya Mwanza, Mtwara, Lindi na sasa Tanga ambapo takribani washikiri 50 watanufaika.