UNYANGANYI WA KUTUMIA SILAHA WAFANYIKA ENEO LA KANGE JIJI TANGA.

Na Rebeka Duwe TANGA.

Watu wanne ambao majina yao hayakufahamika kwa haraka wanashikiliwa na jeshi la polisi mkoani hapa kwa kosa la unyanganyi wa kutumia  silaha na kumvamia mwanamke mmoja aliyefahamika kwa jina la Sofia Adam mkazi wa Kange wilayani Tanga mkoani hapa.

Akithibitisha kutokea kwa tukio hilo kamanda wa polisi mkoa wa Tanga (SACP ) Frazzer Kashai amesema mnamo wa tarehe 04 Septemba mwaka huu majira ya saa 20:30 usiku huko maeneo ya Kange karibu na chuo kikuu cha utumishi wa umma jijini hapa mwanamke huyo ambaye ni mfanyabiashara alivamiwa akiwa Dukani kwake.

Kamanda Kashai amesema kuwa duka hilo linalomilikiwa na  Theonest Twaha  ambayo ina Stetionary,na huduma mbalimbali kama Tigo pesa ,M Pesa na Airtel money ilinyanganywa  kiasi cha sh 2,000,000 ambapo watu hao walifyatua Risasi na kufanya uhalifu huo.

Hata hivyo kamanda Kashai amesema hatua za kisheria zinaendelea kuchukuliwa dhidi ya wahalifu hao ili kuwatia nguvuni.

Katika hatua nyingine Kashai ametoa wito kwa wakazi wa Tanga kutoa Taarifa za siri kituo chochote cha polisi kilicho karibu za kuonekana kwa watu waliofanya tukio hilo la unyanganyi wa kutumia Silaha .