MGANGA WA KIENYEJI AUAWA TANGA

Na Rebeca Duwe

Mtu mmoja aliyetambulika kwa jina la Ngowa Mwero mwenye umri wa miaka 50 mkaazi wa kijiji cha Ng’ombeni Wilayani Mkinga mkoani hapa, ameuwawa na watu wasiofahamika baada ya kushambuliwa kwa mapanga sehemu mbalimbali za mwili wake.

Tukio hile limetokea mnamo Sep 16 mwaka huu majira ya saa 7 na nusu usiku ambapo mtu huyo ambaye ni Mganga wa kienyeji alivamiwa na watu hao wenye silaha na kushambuliwa kwa Mapanga Kichwani mgongoni na kwenye mkono wake wa kushoto.

Akithibitisha kutokea kwa tukio hilo Kamanda wa Polisi Mkoani hapa Freizer Kashai amesema chanzo cha tukio hilo ni Imani za kishirikina na hakuna aliyekamatwa mpaka sasa kuhusiana na tukio hilo ambapo Jeshi la Polisi linaendelea na Uchunguzi ilibaini wahusika wa Mauaji hayo.

Aida Kamanda Kashai anatoa wito kwea Jamii kuacha kujichukulia Sheria mkononi kwani ni kosa kisheria na ni Uhalifu kama uhalifu mwingine.Mwili wa Marehemu umehifadhiwa katika hospitali ya Rufaa Bombo.