WAHAMIAJI HARAMU 26 WAKAMATWA TANGA 24 PONGWE.

Kamanda Kashai

Na Pamela Chaula.TANGA

Jeshi la Polisi Mkoani hapa linawashikilia watu 27 raia wa Ethiopa kwa kuingia nchini bila kibali na wanne kati yao wamelazwa katika hospitali ya Rufaa Bombo kutokana na kudhoofu kwa njaa.

Watu hao wamekamatwa katika Matukio mawili tofauti ambapo katika tukio la kwanza wamekamatwa wahamiaji haramu wawili(2) wakiwa ndani ya Gari lenye namba za Usajili T 147 BWN Scania mali ya Kampuni ya Simba Mtoto wakiwa wameingia nchini bila kibali.

Katika tukio la pili wahamiaji haramu  25 wamekamatwa kwenye Pori la Saruji katika kata ya Pongwe wakiwa wameingia nchini bila kibali ambapo wanne kati yao wamelazwa Hosptali ya Bombo kutokana na kudhoofu kwa njaa.

Waliolazwa wametambuliwa kwa majina Mubarik Jamal 18,Muhamada Jama 25, Dejene Ashore 19, na Tendere Daviel Awawo 18.

Kamanda wa Polisi Mkoa wa Tanga Fresser Kashai anatoa wito kwa Viongozi wa Serikali za Mitaa, Vijiji na Wananchi wote kuwatambua wageni wote wanaoingika katika maeneo yao na Pindi wanapowatilia shaka kuwa sio raia wa Tanzania au ni wahalifu wawatolee taarifa mapema katika vituo vya Polisi.