JESHI LA POLISI MKOANI TANGA LAKAMATA KILO 68 ZA MIRUNGI.

Kamanda wa polisi mkoani Tanga kamishina msaidizi mwandamizi wa jeshi la Polisi Frasser Kashai (wa pili kulia) akizungumza na Waandishi wa Habari akionesha Mirungi hiyo katika Mafungu.

Na Pamela Chaula.Tanga

Jeshi la polosi mkoani hapa linamshikilia Mtu mmoja mkazi wa Sahare  Ally Ramadhani (33)  kosa la kukamatwa na mirungi katika eneo la Kiomoni wilayani Tanga mnamo tarehe 2 sep mwaka huu.

Kamanda wa polisi mkoani Tanga kamishina msaidizi mwandamizi wa jeshi la polisi Frasser  Kashai amethibitisha kukamatwa  kwa kgs 68 iliokuwa kikisafirisha na pikipiki yenye namba za T 906 CBT aina ya Sunlg nyekundu majira ya saa 4:00 usiku na askali  polisi waliokua doria.

Kamanda wa polisi mkoani hapa ametoa wito kwa wanaojihusisha na uuzaji au matumizi ya madawa ya kulevya kuacha mara moja kwani ni ukiukwaji  wa sheria ya nchi.

Pia kamanda amewataka wananchi kushilikiana na jeshi la polisi kuwafichua wale wanaojihusisha na uuzaji na matumizi ya madawa ya kulevya kwani uathiri  nguvu kazi ya Taifa na kuzorotesha maendeleo kwa ujumla.

Wakati huo huo kamanda kashai ametoa wito kwa wananchi wakaao maeneo ya jirani na mipaka wa Tanzania na nchi jirani ya Kenya kutokufumbia macho wa hamiaji haramu wapitao katika njia za panya. 

Kamanda kashai amesema yeyote anayepokea na kuwaifadhi waamiaji haramu anakiuka sheria ya nchi na akibainika atachukuliwa hatua za kisheria ,wananchi waache tabia ya kuwahifadhi watu tuwasio wajua ndiyo wanaosababisha uhalifu katika nchi yetu.