ASKOFU BANZI AWAASA WAKRISTU KUTENDA MEMA.

Askofu Anthony Banzi  wa Jimbo Katoliki la Tanga

Na Dominic Maro. Tanga

Wito umetolewa kwa Wakristu wote nchini kutenda mema kila wakati siyo kupenda kutenda maovu ambayo ni chukizo machoni  pa MUNGU wetu.

Rai hiyo imetolewa na Askofu Anthony Banzi  wa Jimbo Katoliki la Tanga kwenye adhimisho la ibada ya Misa Takatifu iliyofanyika katika kanisa kuu la Mtakatifu Anthony wa Padua parokia ya Chumbageni Tanga ibada hiyo ilikuwa ni maalum kwa umoja wa wanawake wakatoliki Tanzania (wawata) jimbo la Tanga kumshukuru mungu kwa kumaliza mkukutano wao mkuu na kumuomba awajalie baraka.

Askofu banzi amesema kila mmoja wetu akitenda mema au maovu ndiyo atakavyo hukumiwa kulingana na aliyotenda,hivyo tufuate mfano wa bwana wetu Yesu Kristo ambaye ametufundisha upendo na kuishi ukweli daima milele.

Hata hivyo Mhasham Askofu Banzi hakusita kuwakumbusha Wanawake Wakatoliki kuwa umoja wao ni muhimu sana kwa kuendeleza kazi ya kitume kwa kutangaza kazi ya MUNGU na kila mwanamke mbatizwa anaingia moja kwa moja katika kazi hiyo ambayo tumekabidhiwa sisi sote.