NJEMBA YATOWEKA BAADA YA KUMPA MIMBA MWANAFUNZI

Mwanafunzi mwenye Ujauzito(Picha na Maktaba)

Na Masanja Mabula Pemba 

Jeshi la Polisi Mkoa wa Kaskazini Pemba linamtafuta kijana anayehusika na ujauzito wa mwanafunzi wa kidato cha tatu katika skuli  ya sekondari ya Wete aliyejifungua na kisha kumtupa mtoto ndani ya shimo la choo .

Kamanda wa Polisi Mkoa wa Kaskazini Kamishina msaidizi Pemba shekhan Mohammed Shekhan amesema kuwa tukio limetokea septemba 26 majira ya saa mbili za asubuhi huko Finya katika Wilaya ya Micheweni  .

Amesema kuwa tayari jeshi hilo linamshikilia mwanafunzi huyo Ziana Khamis Ali (18) ambaye anatuhumiwa kuhusika na tukio la kikatili na kwamba kwa sasa anahojiwa ili aweze kufikishwa mahakamani kujibu tuhuma zinamkabili .

Sheha wa shehia ya finya omar ali Omar amefahamisha kwamba mwanafunzi huyo alibainika baada ya uongozi wa Shehia kwa kushirikiana na vyombo vya ulinzi kuanza kuwafanyia uchunguzi wasichana wanaoishi nyumba za jirani na eneo la tukio ambapo mhusika alitoroka kwa lengo la kutaka kukimbia .

Amesema kuwa kitendo cha kuzaa mtoto na kisha kumtupa ni kwenda kinyume na misingi ya haki ya binadamu na kueleza kuwa kichanga hicho kilikuwa na haki ya kuishi na kupata haki zote stahiki kwa mujibu wa msingi  hiyo .

Wakizungumza na mwandishi wa habari hizi katika eneo la tukio baadhi ya mashuhuda wa tukio hilo wamesema kuwa mwanafunzi huyo alikuwa ni miongoni mwa wanajamii waliokuwa wanashughulika kukitoa kichanga hicho ndani ya shimo kana kwamba yeye sio mhusika wa tukio hilo 

 Hata hivyo taarifa z aidi kutoka kwa wanafunzi wenzake wanasema kuwa siku ya alkhamis walikuwa pamoja na skuli na hawakufahamu kwamba mwenzao anaujauzito wa miezi tisa.