“HII KIBOKO” DIWANI AONGOZA MGAMBO KUCHOMA NYUMBA KUMI ZA WANAKIJIJI HANDENI kISA.....!!!!

Mkuu wa Wilaya ya Handeni Mh Mhingo Rweyemamu

(Picha na Maktaba)

Na Godwin Lyakurwa (Tanga News)

KIASI nyumba kumi za wananchi wa kata ya kwamatupu tarafa ya Sindeni wilaya ya Handeni mkoani hapa zimechomwa moto jana na watu wanaodhaniwa kuwa mgambo wakiongozwa na diwani wa tarafa hiyo Mustapha Bereko.

Akizungumza na Mtandao huu shuhuda wa tukio hilo Mch Obedi Moleli amesema kuwa diwani huyo amefikia hatua hiyo ya kuchoma moto kwa madai ya kuwatuhumu raia hao ambao ni wakulima na wafugaji kuwa wamevamia eneo hilo aliloliita hifadhi ya misitu wa kata.

Wakazi hao waliamia kijijini hapo zaidi ya miaka minne iliyopita kutokea Mkoani Arusha na waliuziwa maeneo hayo na wenyeji ambaponyumba zao hazikuguswa na eneo hilo.

Hata hivyo wananchi wa eneo hilo wamedai kuwa mara baada ya kuwasiliana na Jeshi la Polisi hawakuweza kupewa ushirikiano wowote kwa madai kuwa diwani huyo Bereko anafahamiana na vigogo wa jeshi hilo

Alipotafutwa na radio huruma kuthibitisha madai hao Afisa  upelelezi wa Jeshi la Polisi Mkoa wa Tanga RCO Kimata Aziz alionyesha kushangazwa na taarifa na kuomba atafutwe baada ya muda kwakuwa hakuwa akizifahamu taarifa hizo ingawa alipotafutwa alipokea simu bila kuzungumza lolote kisha akaizima.