MFANYABIASHARA M,AARUFU MKOANI TANGA AJILIPUA KWA BASTOLA

MFANYABISHARA mmoja mkazi wa Michungwani wilaya ya Muheza mkoani Tanga, Ally Rajabu Makufya 72, amejiua kwa kujipiga risasi ya shingo kwa kutumia bunduki.

Marehemu ambaye pia ni mmiliki wa baa mbili wilayani Muheza amejiua June 8 majira ya saa 3; 30 asubuhi akiwa chumbani kwake.

Akithibitisha kutokea kwa tukio hilo la kusikitisha Kamanda wa Polisi Mkoa wa Tanga RPC Costantine Massawe amesema kuwa Marehemu alitumia Bunduki yake anayokuwa akiimiliki kihalali.

Kamanda Massawe amesema Jeshi la Polisi mkoani hapa bado linaendelea na uchunguzi ili kubaini chanzo cha tukio hilo.

Wakati huohuo June 08 majira ya saa 8:20 mchana watu wa wawili Jofrey Daniel (20) mkazi wa kwanjeka na Musa Hamisi miaka 44 mkazi wa Mtambwe Mkoani hapa wamekamatwa wakiwa na bunduki Raifo yenye namba 2703520 iliyowahi kuripotiwa na Musa Hamisi 44 kwamba imeibiwa.

Watu hao wanaosadikiwa kuwa ni majambazi wamekamatwa maeneo ya Ngomeni barabra kuu ya Muheza -Tanga pia wakiwa na risasi mbili za bunduki hiyo, ganda moja la risasi, panga moja, kisukimoja na bisi bisi mbili.