TAKUKURU TANGA YACHIMBA MKWARA KWA WATOA NA WAPOKEA RUSHWA

Wito umetolewa kwa jamii kuwa ishirikiane na taasisi ya kuzuia na kupambana na rushwa ( TAKUKURU)ili kuweza kubaini na kukomesha matukio ya utoaji na upokeaji rushwa mkoani Tanga .

Hayo  yamesemwa na mkuu wa dawati la elimu kwa uma Salome Swai wakati akizungumza na radio huruma ofisini kwake mkoani hapa ambapo amesema kuwa ilikutokomeza vitendo vya rushwa ni wajibu wa kila mtu kutoa taarifa endapo kutakuwa na ushaidi wa kutoa na kupokea rushwa.

Aidha amezitaja kesi walizo nazo kwa mkoa wa Tanga katika mwaka  2013 na 2014 kuwa  jumla ya kesi 56 ikiwa 19 ni mpya na zote zipo mahakamani hii inadhihirisha kuwa vitendo vya rushwa bado vinaendelea.

Hata hivyo takukuru imejipanga katika kubaini na kukuhakikisha wanadhibiti vitendo vyote vya utoaji na upokeaji wa rushwa kwa yeyote atakaye bainika na tuhuma bila kujali umri wala cheo.